Hvar verða jólini hildin í ár?
- Jólini verða hildin hjá yngru dóttrini á Argjum.
Tað sigur Daisy Sloan.
Hvat verður etið um jólini?
- Jólaaftan hava vit fylta dunnu við brúnkaðum eplum, heimagjørdum reyðkáli, salat og brúnari sós.
Hevur tú eitt jólaynski?
- At vit menniskju eru betur til at síggja hvønn annan og hava tíð at hugna okkum dagarnar fram til jóla.
Hvønn týdning hava jólini fyri teg?
- At vit minnast Jesu føðing og lata okkum úr dagliga resinum eina løtu, sigur Daisy Sloan.
