Kometin, ein fleiri kilometra stór kúla av frystum gasssløgum og gróti, er á beinari kós ímóti jørðini og hóttir við einum samanstoyti.
Tann ógvusligi stoyturin kann prógva ástøðini um, hvussu dinosaurarnir doyðu út - við at rudda út lívið á jørðini - soleiðis, sum vit kenna tað.
Í skugganum av hesum deyðadómi uppføra menniskjuni seg á ymsar hættir. Í vóninum um at sleppa við lívinum verða grivin verjurúm, og rúmdarskip verða send út, sum skulu royna at fáa kometina av kós.
Nøkur handla í panikki, onnur við virðing fyri lagnuni - hvussu tað so skal enda?
Mimi Leder hevur leikstjórnað einum øðrvísi katastrofufilmi, ið fær hyggjararnar gjøgnum eina óttafulla bíðitíð á jørðini, við teirri desperatu missiónini í rúmdini, og líka fram til tey panisku sekund, tá tað snýr seg um lív ella deyða. Við sær á hesum ævintýri hevur hon Robert Duvall, Morgan Freeman, Téa Leoni og Elija Wood.
Filmurin hevði heimsfrumframførslu seinasta vikuskifti og spældi hann inn ikki færri enn 42 milliónir $ - í tríggjar dagar?!
