Sambært libanesiskum myndugleikum eru 22 fólk deyð og 117 løstað í ísraelskum álopum á Beirut í gjárkvøldið.
AFP veit at siga, at álopini vóru sentralt í libanesiska høvuðsstaðnum, og hetta er sambært tíðindastovuni deyðiligasta álopið higartil í krígnum.
Sagt verður, at ísraelsku álopini serliga vóru vend móti tveimum málum.
- Fyrsta málið var ein bygningur í átta hæddum í tættbygda al-Nuwairi-økinum, og hitt málið var ein bygningur í fýra hæddum í al-Basta-økinum.
Annar av hesum bygningum varð javnaður við jørðina, vita tíðindastovur at siga.
Reuters veit at siga, at annað av málunum hjá Ísrael var ein høgtstandandi persónur í Hizbollah.
Fleiri tíðindastovur siga í morgun, at Hizbollah-persónurin yvirlivdi atsóknina.
Eitt AFP-tíðindafólk hoyrdi tríggjar spreingingar, og tjúkkur roykur stóð upp úr bygningunum.
Ísrael hevur afturvendandi lopið á syðra part av Beirut, har Hizbollah-felagsskapurin stendur sterkur.
Tað er nógv meira sjáldsamt, at lopið verður á sentralt í Beirut, soleiðis sum Ísrael gjørdi í gjárkvøldið.