Eiðis kommuna tekur nú fyrsta stig í arbeiðinum at gera eitt stadionøki á Eiði Bygdaráðið á Eiði samtykti í gjár at taka av einum tilboði frá Hans Egil Joensen & Synum, sum høvdu boðið sær til at fylla grót í Hólman fyri 1,8 mió. krónur. Hægsta tilboðið var 2,9 mió. krónur, skrivar heimasíðan hjá Eiðis kommunu.
Arbeiðið byrjar 10. september og skal verða liðugt 1. februar næsta ár.
Grótfyllingin er fyrra stig av tveimum at planera fyri stadionøki í Hólmanum á Eiði.
