Enn einaferð hevur tað eydnast ukrainska herinum at leypa á eitt russiskt oljureinsiverk.
Reuters veit at siga, at stóreldur er eftir eitt ukrainskt dronuálop, og talan er um oljureinsiverkið Tuapse við Svartahavið.
Lokalir myndugleikar í vátta álopið í samrøðu við Reuters.
Ukrainar hava fleiri ferðir áður lopið á oljureinsiverkið Tuapse.
Í dag verður eisini sagt frá um ukrainskt dronuálop á russiska býin, Belgorod, sum liggur við markið til Ukraina.
Sagt verður, at tvey fólk eru dripin og trý særd, og tað er Belgorod-guvernørurin, Vjatsjeslav Gladkov, sum er kelda til tíðindini.
