Ein bygningur, sum hoyrir til ES-umboðini í Ukraina, er raktur í einum russiskum álopi á ukrainska høvuðsstaðin, Kiev, í nátt.
Tað sigur forsetin í ES, António Costa, á sosiala miðlinum X.
- Ræðslusligin av enn eina nátt við deyðiligum russiskum rakettálopum á Ukraina.
- Mínir tankar fara út til ukrainsku ofrini og eisini til starvsfólkini í ES-sendinevndini í Ukraina, hvørs bygningur fekk skaða í hesum tilætlaða russiska álopinum, skrivar António Costa.
Sambært ukrainsku myndugleikunum hava í minsta lagi tíggju fólk latið lív í russisku álopunum á Kiev. Harumframt hava 38 fingið skaða.
##med2##
Álopini raktu ymisk øki í høvuðsstaðarøkinum. Íroknað bæði sethús og aðrar bygningar, skrivar Reuters.
- ES letur seg ikki ræða. Álopið hjá Russlandi styrkir bara okkara avgerð um at standa saman við Ukraina og tess fólki, sigur António Costa á X.
/Ritzau/
