16. umfar í kvinnudeidini í fótbólti hevur verið á skránni í góðveðrinum seinnapartin. Støðutalvan segði, at KÍ, EBS/Skála og HB vóru favorittar, og allir favorittarnir vunnu fulla úrtøku.
KÍ var á útivølli ímóti Víkingi, og tað var eingin slingur í valsinum hjá teimum úr Klaksvík. Tær vunnu 7-0, eftir at hálvleiksstøðan var 4-0.
Við Margáir hevði oddaliðið EBS/Skála vitjan av AB, sum er aftast. Heimaliðið skoraði tvey mál fyrrapartin av 1. hálvleiki, og tað var tað.
Tað verður nýtt umfar mikukvøldið, og tá verður í Klaksvík mest sum avgjørt, um tað verður EBS/Skála ella KÍ, sum skal vinna FM.
Í dag varð tað mest sum greitt, at tað verður HB, sum vinnur bronsukrónurnar. Í grannauppgerðini ímóti B36 vann HB 3-0. Øll málini vórðu skorað í 2. hálvleiki.
Víkingur-KÍ 0-7 (0-4)
0-1: Sigrid Jacobsen 1.
0-2: Laila Pætursdóttir 4.
0-3: sjálvmál 30.
0-4: sjálvmál 45.
0-5: Rannvá B. Andreasen 47.
0-6: Rannvá B. Andreasen 67.
0-7: Sigrid Jacobsen 75.
EBS/Skála-AB 2-0 (2-0)
1-0: Silja Johannesen 10.
2-0: Sólja Eiðisgarð 19.
B36-HB 0-3 (0-0)
0-1: Elin Maria Isaksen 65.
0-2: Milja Simonsen 67.
0-3: Elin Maria Isaksen 90.
Støðan
EBS/Skála 39
KÍ 37
HB 25
B36 20
ÍF 12
Víkingur 5
AB 2
HB og ÍF hava spælt 13 dystir, og hini liðini hava spælt 14 dystir.
Mikudagin 11. september
KÍ-EBS/Skála
HB-Víkingur
AB-ÍF
