Finnland leingir stongsulin av markinum til Russlands til 14. apríl.
Tað upplýsir finska stjórnin á heimasíðu síni.
Stongsulin skuldi annars enda 11. februar.
– Við teimum umstøðum, sum nú eru, er tað eitt neyðugt stig at taka, tá skipað migratión er ein álvarslig hóttan ímóti tjóðartrygdini hjá Finnlandi og almennu skipanini, verður sagt.
Russland fór sambært finskum ákærum, í fjør at senda fólk, sum hava biðið um friðskjól, til finska markið fyri at leggja trýst á Finnland.
Tí stongdu tey markið.
Finnland lat markið uppaftur miðskeiðis í desember tvey marknalið. Tað var tó bara í stutta tíð, tá finnar alt fyri eitt staðfestur, at talið av flóttum úr Russlandi hækkaði.
Stjórnin sigur í dag, at tey meta, at tað fer at halda fram, um marknaliðini lata uppaftur.
– Vit síggja eingi tekin um, at Russland uppførir seg øðrvísi. Vit hava orsøk at halda, at støðan fer at halda fram, sigur Mari Rantanen, innanríkisráðfrú.
– Tað er skilligt, at framhaldandi stongsul av eystara markinum er syrgiligur, serliga fyri fólk við amiljum russisku megin markið, verður sagt.
Sambært Mari Rantanen eru tað »hundraðtals, um ikki túsundtals migrantar, sum í løtuni eru nærindis markinum á russisku síðuni, og sum bíða eftir møguleikanum at koma til Finnlands«.
Millum august og desember í fjør komu 1.323 fólk sum søkja um friðskjól til Finnlands úr Russlandi, vísa tøl frá finsku marknamyndugleikunum.
Markið millum tey bæði londini eru 1300 kilometrar langt.
Finnland hevur tilsamans níggju marknalið til Russlands.
/ritzau/
