Eftir eitt vánaligt úrslit í 2021, tá hallið var 2,2 milliónir krónur var úrslitið enn verri í 2022, tá hall trífaldaðist til 7,6 milliónir krónur.
Tað sæst í ársroknskapinum, sum er kunngjørdur á vinnuvitan.biz.
Nettosølan hjá Keypsamtøkuni í fjør var góðar 261 milliónir krónur í mun til 265 milliónir árið fyri. Framleiðslukostnaðurin vaks úr 217 upp í 220 milliónir krónur, og bruttovinningurin minkaði úr 47,6 milliónum niður í 40,9 milliónir krónur.
Í leiðslufrágreiðingini skrivar leiðslan í Keypsamtøkuni, at afturgongdin í umsetninginum stóst av,a t felagið hevur skipft KT skipan, og at inflatiónin hevur verið so stór. Leiðslan sigur seg vera ónøgda við úrslitið.
Leiðslan hevði væntað, at úrslitið í ár fór atliggja ímillum 0 og eina hálva millión í halli, men at hesum máli rukku tey ikki, staðfestir leiðslan í Føroya Keypsamtøku.
Felagið roknar í ár við einum halli í ár upp á ímillum 1,3 milliónir og 1,8 milliónir krónur.
Eginognin hjá Føroya Keypsamtøku er tí eisini tódnað úr 49,7 milliónum krónum niður í 42,3 milliónir krónur.
Hjá Føroya Keypsamtøku starvaðust í fjør 132 fólk, trý færri enn árið fyri.
