Eitt flogfar við varaforsetanum í Malawi, Saulos Chilima, og níggju øðrum umborð er horvið.
Tað skrivar bretska BBC frá forsetaskrivstovuni í malawi.
Flogfarið, sum er frá verjuni hjá Malawi, »hvarv av radaranum«, eftir at tað fleyg fleyg úr malawiska høvuðsstaðnum, Lilongwe, í morgun, verður sagt.
Forsetin í Malawi, Lazarus chakwera, hevur sett í verk eitt leingar- og bjargingarátak, eftir at tað ikki hevur eydnast at fáa samband við flogfarið.
– Allar royndir hjá loftferðslumyndugleiknum at fáa samband við flogfarið, síðani tað hvarv av radaranum, eru higartil miseydnaðar, verður sagt sambært tíðindastovuni AFP.
Flogfarið skuldi eftir ætlan verið lent í Mzuzu International Airport í norðara parti av Malawi klokkan 10 lokala tíð.
Forsetin ehvur avlýst eina ætlaða flogferð til Bahamas, eftir at hann fekk boðini um støðuna við varaforsetanum, skrivar BBC.
Í 2022 misti Chilima sambært AFP sítt politiska vald, eftir at hann varð handtikin og ákærdur fyri svik í sambandi við eina gølu, har ein bretskt-malawiskur handilsmaður var uppií.
Í mai slepti ein malaviskur dómstólur ákærunum eftir fleiri rættarfundir í málinum.
/ritzau/
