Arbeiðið við at gera Tórsbreyt liðna hevur ikki gingið eftir vild, og nú hava vit bíðað í seks vikur við at avgreiða FM-Ung. Avgjørt er tí, at bíðast kann ikki meira, og leygardagin 27. september 2008 verður FM-Ung hildid á Svangaskardi, skrivar Frælsur Ítróttur á heimasíðu síni
Kappingin byrjar klokkan 10.00.
Kappast verður í hesum bólkum og greinum:
Gentur og dreingir 10-11 ár (fødd 1997-98) kappast í 60m, 300m, 600m, longdarlopi og kúlustoyti.
Gentur og dreingir 12-13 ár (fødd 1995-96) kappast í 80m, 300m, 600m, longdarlopi og kúlustoyti.
Gentur og dreingir 14-15 ár (fødd 1993-94) kappast í 100m, 300m, 800m, longdarlopi og kúlustoyti.
Gentur og dreingir 16-17 ár (fødd 1991-92) kappast í 100m, 400m, 800m, longdarlopi og kúlustoyti.
Gentur og dreingir 18-19 ár (fødd 1989-90) kappast í 100m, 400m, 800m, longdarlopi og kúlustoyti.
Fyri at taka lut skalt tú vera limur í einum av feløgunum fyri frælsan ítrótt.
Seinasta freist fyri tilmelding er 25. september á miðnátt.
Tað er bert møguligt at melda til á heimasíðuni www.athletics.fo. Eingin tilmelding verður á staðnum, eftirsum skráin fyri tiltakið verður løgd, tá tilmeldingarfreistin er farin
