Hetta er fimtu ferð síðan desember í fjør, at eldgos er á Grindavíkarleiðini í Íslandi, tí seinnapartin í dag er aftur farið at goysa um hesar leiðir.
Sambært íslendska ríkisútvarpinum RUV váttar meteoroligiski stovnurin í Íslandi, at eldgos er byrjað nærindis Sundhnúk, norðan fyri Grindavík.
Ritzau veit at siga, at fyrr í dag vórðu fólk flutt burtur úr Grindavík og úr Bláa Lóni.
Sagt verður, at eldgosið fevnir um eitt øki, sum í minsta lagi er tveir kilometrar langt, og grótbræðing stendur upp í loft.
Rivan í jarðarskorpuni er millum ein og tveir kilometrar long, og íslendskir jarðfrøðingar halda, at eldgosið tykist máttmikið.