Tilnevningin er ein viðurkenning av tí arbeiði, Formula hevur lagt í at byggja eitt føroyskt KT-vørumerki, sum sameinir tøkniliga dýpd, trygd, nýskapan og innlit í tørvin hjá føroyskum vinnulívi og almennum stovnum.
40 ár við KT-menning í Føroyum
Formula varð stovnað í 1986 og hevur í nærum 40 ár verið ein drívmegi í menningini av KT-vinnuni í Føroyum. Í dag arbeiða yvir 100 starvsfólk í Føroyum og Danmark við at menna, ráðgeva og reka heildarloysnir – bygdar á Microsoft-tøkni, Totalview Cloud og sermentar loysnir við djúpum integratiónum, sum merkir at loysnirnar renna saman til eina munagóða heildarloysn.
Formula er meira enn ein KT-veitari. Fyritøkan er ein langtíðarsamstarvspartnari, sum hjálpir kundum at gera tøkni til veruligar kappingarfyrimunir – ikki sum eitt endamál í sær sjálvum, men sum eitt amboð til framgongd, tryggleika og trivnað.
##MED2##
Eitt føroyskt vørumerki við altjóða dygdum
Sermerkið hjá Formula er evnini at sameina staðarkunnleika og føroyska mentan við altjóða KT-standardir. Sum føroysk fyritøka hevur Formula eina djúpa fatan av teimum krøvum, sum føroyskt vinnulív og almenni geirin seta – serliga innan integratión, dátuvernd, rakstrartrygd og dygd.
Vørumerkið Formula byggir á greið virði:
At gera tøkni einfaldari, tryggari og meira virðisskapandi. Hetta sæst aftur í øllum samskifti – frá ráðgeving og innleiðslu til rakstur og stuðul.
Visuelli samleikin, við sínum myrkabláa liti og reina sniði, endurspeglar álvarsemi, álit og tryggleika – føroyskar dygdir settar í eina nýmótans og professionella heild.
Samskiftið er persónligt, á føroyskum og bygt á langtíðarrelatiónir heldur enn massamarknaðarføring. Hetta hevur verið við til at byggja eitt vørumerki við varandi áliti.
Samfelagsábyrgd er ein sjálvsagdur partur av vørumerkinum Formula. Fyritøkan mennir KT-loysnir, ið verja grundleggjandi infrastruktur, styrkja nettrygd og tryggja álítandi rakstur hjá kommunum og stovnum.
Formula arbeiðir eisini miðvíst við burðardygd. Í samstarvi við Circular Computing endurnýtir fyritøkan KT-útgerð og bjóðar CO₂-neutralar og endurframleiddar teldur í Føroyum. Spillorka frá ambætararúmi verður gagnnýtt til upphiting, og við hesum minka bæði el- og oljunýtsla.
Hetta er burðardygd í praksis – ikki bert orð.
Eitt sterkt vørumerki bygt á fólk
Starvsfólkini eru kjarnin í vørumerkinum Formula. Fyritøkan hevur ment eina sterka mentan, har álit, trivnaður og fakligur førleiki ganga hond í hond. Hetta hevur gjørt starvsfólkini til bestu ambassadørarnar fyri vørumerkið – sum ráðgevar, álitisfólk og samstarvsfelagar hjá kundunum.
Ein tilnevning við innihaldi
Tilnevningin til Ársins B2B-vørumerki 2025 er ein greið viðurkenning av, at Formula hevur megnað at byggja eitt KT-vørumerki, sum sameinir føroyska ábyrgd, norðurlendska professionalismu og altjóða nýskapan.
Formula er í dag eitt vørumerki, sum setir dám á føroyskt vinnulív – og sum arbeiðir við einum greiðum endamáli: at brúka tøkni til at byggja eitt tryggari, burðardyggari og sterkari samfelag.
