Eitt hátrýst yvir bretsku oyggjunum viknar nakað. Eitt lágtrýst vestan fyri Ísland flytir seg skjótt í ein eystan og dýpist. Leygardagin og týsdagin koma væntandi brúgvaløg við regni framvið Føroyum av útsynningi.
Hósdagin verður stívt andøvsgul upp í hvassan vind av útsynningi, 10 til 15 metrar um sekundið, seinnapartin í støðum upp í 18 metrar um sekundið. Turt og skýggjað, men í støðum eisini sól. Hitin millum 10 og 13 stig. Hósnáttina verður stívt andøvsgul upp í hvassan vind av útsynningi og vestri, 10 til 15 metrar um sekundið. Skýggjað og kanska regn eina løtu. Hitin um 10 stig.
Fríggjadagin verður stívt andøvsgul upp í hvassan vind av vestri, 10 til 15 metrar um sekundið, sum makar niður í gul til stívt andøvsgul og snarar í ein útsynning, 5 til 10 metrar um sekundið. Turt og møguleiki fyri sól og hitin um 10 stig. Um náttina gul til stívt andøvsgul av útsynningi og suðri, 5 til 10 metrar um sekundið. Skýggjað og út á náttina kanska regn. Hitin millum 7 og 10 stig.
Leygardagin verður andøvsgul upp í ein strúk av suðri og útsynningi, sum snarar í ein vestan, 8 til 13 metrar um sekundið. Skýggjað og stundum regn. Hitin um 10 stig. Um kvøldið og náttina gul til stívt andøvsgul av vestri, 5 til 10 metrar um sekundið, sum makar niður í lot til andøvsgul og snarar í ein sunnan, 2 til 7 metrar um sekundið. Skýggjað og yvirhøvur turt. Hitin millum 3 og 8 stig.
Sunnudagin verður lot til andøvsgul av landsynningi, 2 til 7 metrar um sekundið, sum øtlar upp í gul til stívt andøvsgul, 5 til 10 metrar um sekundið. Skýggjað og kanska regn av og á. Hitin um 10 stig. Um náttina andøvsgul upp í ein strúk av landsynningi, 8 til 13 metrar um sekundið. Skýggjað, men yvirhøvur turt. Hitin millum 7 og 10 stig.
Mánadagin verður andøvsgul upp í ein strúk av landsynningi, 8 til 13 metrar um sekundið, sum øtlar upp í stívt andøvsgul upp í hvassan vind, 10 til 15 metrar um sekundið, um náttina í støðum upp í 18 metrar um sekundið. Turt og kanska sól. Hitin um 10 stig.
Týsdagin verður strúkur í vindi upp í skrið av landsynningi, 13 til 18 metrar um sekundið, sum makar niður í andøvsgul upp í ein strúk, 8 til 13 metrar um sekundið. Skýggjað og stundum regn ella ælaveður. Hitin um 10
