Nú eru skjótt farnir tríggir mánaðir síðani Gilli R. Sørensen seinast spældi ein dyst fyri Vejle í donsku superliguni.
Heldur ikki í kvøld slapp Gilli á vøllin, tá Vejle leikti javnleik 1-1 móti Hvidovre á útivølli.
Seinast Gilli var á vøllinum í einum dysti í superliguni fyri Vejle var 1. september, tá Vejle vann 2-1 á OB á útivølli.
Síðani 1. september hevur Gilli bara spælt ein dyst í donsku steypakappingini, har Vejle aftaná longda leiktíð og brotssparkskapping tapti fyri Hørði H. Askham og liðfeløgunum í AB. Hetta var 1. november.
Vejle hevur bara ein dyst eftir at spæla undan vetrarsteðginum. Tað er komandi fríggjakvøld. Tá spælir Vejle á útivølli móti Randers FC.
Sleppur Gilli ikki á vøllin komandi fríggjakvøld má hann bíða heilt til 18. februar komandi ár, tá kappingin í superliguni byrjar aftur.