Fyri góðum tveimum mánaðum síðani gjørdist tað greitt, at føroyski landsliðsleikarin, Sonni Ragnar Nattestad, hevði slitið hælsinuna.
Hetta merkti, at hann ikki fekk ynsktu byrjanina upp á nýggju yrkisleiðina í norska felanum, Molde FK, men tað gongur tann rætta vegin.
Les eisini: Sonni Ragnar slitið hælsinuna
- Status hjá mær er at eg eri byrjaður at ganga normalt aftur uttan at hava nakað á fótinum, so nú um góðar tvær vikur fari eg út at trena saman við liðnum aftur. Tað gongur betur enn væntað, sigur Sonni Ragnar við Sosialin í dag.
Sonni Ragnar Nattestad er í “fimm skjótir” í Sosialinum í dag, har hann eitt nú eisini svarar nær hann væntandi verður klárur at spæla dyst aftur, og hvussu hann trívist í Molde.
