MVg skuldin hjá føroyskum virkjum er nogv minkað í seinastuni. Tað verður staðfest í eini frágreiðing, landsgrannskoðarin hevur latið Løgtinginum. Uppgerðin vísir, at í fjør skyldaðu 89,6 milliónir krónur í mvg. Í 2006 vóru eftirstøðurnar 70,9 milliónir, men í́ 2011, tá eftirstøðan var størst, var hon heilar 119,4 milliónir
Tølini vísa, at árini frá 2006 til 2008, vóru eftirstøðurnar ímillum 4,6 prosent og 6,2 prosent av inntøkunum tilsamans, men í 2009 fóru tær at veksa.
Tá ið eftirstøðurnar vóru størst afturímóti inntøkunum, var í 2011, tá ið tær vóru 10,2 prosent av inntøkunum, men í́ 2013 var eftirstøðan aftur lækkað til 7,7 prosent av inntøkunum.
Hesi seinastu árini hevur eftirstøðan av mvg verið hendan: 2006: 70,9 milliónir 2007: 60,2 milliónir 2008: 73,0 milliónir 2009: 91,1 milliónir 2010: 112,5 milliónir 2011: 119,4 milliónir 2012: 117,4 milliónir 2013: 89,6 milliónir Men í 2012 fekk Taks betri heimildir at krevja skuld inn og tær heimldirnar verða eisini brúktar og tað hevur havt sína ávirkan.
Í árinunum frá 2006 til 2013 hevur Taks avskrivað 107 milliónir krónur í Mvg-skuld Og hesi seinastu árini hevur Taks avskrivað hesar upphæddir í mvg: 2006: 5,1 milliónir 2007: 8,7 milliónir 2008: 5,5 milliónir 2009: 7,7 milliónir 2010: 14,2 milliónir 2011: 19,4 milliónir 2012: 17,4 milliónir 2013: 29,1 milliónir Tils.: 107, 1 milliónir |
