Beint eftir, at Russland gjørdi innrás í Russlandi, minkaði føroyski útflutningurin til Russlands niðir í botn. Hagstovan sigur, at beinanvegin í mars minkaði føroyski útflutningurin til Russlands tveir triðingar, tí ár mars í ár var hann 74 milliónir, men í mars í fjør var hann 217 milliónir.
Hinvegin vaks útflutningurin til restina av Evropa, munandi. Í roynd og veru hevur útflutningurin til Evropa ongantíð verið størri ein einstakan mánað enn hann var í mars í ár. Útflutningurin til Evropa var 740 milliónir krónur í mars í ár, men í sama mánað í í fjør var hann 445 milliónir krónur.
Útflutningurin til Russlands hevur seinastu árini verið nøkulunda javnt býttur millum alifisk og uppsjóvarfisk, men í mars var eingin útflutningur av alifiski til Russlands. Útflutningurin av uppsjóvarfiski til Russlands er ikki steðgaður upp, men minkaður stór samanborið við marsmánaðirnar seinastu árini. Í mars var útflutningurin av makreli, sild og svartkjafti til Russlands 17 milliónir krónur. Í mars í fjør var útflutningurin 46 milliónir krónur.
Sum sæst á myndini niðanfyri sveiggjar útflutningurin av uppisjóvarfiski væl meira enn útflutningurin av alifiski og er ofta lægri í tíðarskeiðnum frá umleið apríl til august.
##med2##
