Føroyski landsliðsmálverjin, Gunnar Nielsen og liðfelagarnir í FH vóru aftur á sigurskós, og mistu aftur sigurin ímóti dystarenda í dysti í pepsideildini í gjár. Gunnar Nielsen vardi málið frá byrjan. Í gjár var Sonni Ragnar Nattestad ikki eingong á beinkinum.
FH vitjaði ÍBV úti í Heimey á Vestmannaoyggjunum í dag. 641 áskoðarar sóu ÍBV og FH spæla javnleik 1-1 á Hásteinsvøllinum. Støðan í steðginum var javnleikur 0-0. Gunnar Nielsen hevði eina rimmar bjarging í 33. minutti, tá Mikkel Maigaard hjá ÍBV hevði eina góða roynd á málið hjá FH.
Jérémy Serwy legði FH á odda 1-0, tá bert seks minuttir vóru farnir av seinna hálvleiki. Tá Fimm minuttir vóru eftir av vanligu leiktíðini javnaði Søren Andreasen til 1-1, og tryggjaði ÍBV eitt stig.
Heimir Guðjónsson, høvuðsvenjari hjá FH segði í samrøðu við Morgunblaðið, at hann var als ikki nøgdur við verjuspælið hjá FH.
Mikukvøldið tekur FH ímóti FC Dundalk úr Írlandi í seinna dystinum í øðrum undanumfarinum í Champions League. Fyrri dysturin í Írlandi endaði við javnleiki 1-1.
FH er framvegis á odda í pepsideildini, men tað er sera spennandi í oddinum, sum støðan eisini vísir :
| 1 | FH | 11 | 6 | 4 | 1 | 15:7 | 22 |
| 2 | Fjölnir | 10 | 6 | 1 | 3 | 22:11 | 19 |
| 3 | Víkingur Ólafsvík | 10 | 5 | 3 | 2 | 14:13 | 18 |
| 4 | Stjarnan | 10 | 5 | 2 | 3 | 18:13 | 17 |
| 5 | Breiðablik | 10 | 5 | 1 | 4 | 10:8 | 16 |
| 6 | Valur | 10 | 4 | 2 | 4 | 15:11 | 14 |
| 7 | ÍBV | 11 | 4 | 2 | 5 | 12:12 | 14 |
| 8 | ÍA | 10 | 4 | 1 | 5 | 12:17 | 13 |
| 9 | Víkingur Reykjavík | 10 | 3 | 3 | 4 | 14:12 | 12 |
| 10 | KR | 10 | 2 | 4 | 4 | 8:11 | 10 |
| 11 | Fylkir | 10 | 2 | 2 | 6 | 9:15 | 8 |
| 12 | Þróttur R. | 10 | 2 | 1 | 7 | 9:28 | 7 |
