Gunnar og FH vunnu málríkan dyst - Hallur og KR taptu á heimavølli

Gunnar Nielsen vardi málið hjá FH, ið vann 4-2 á Fram á Kaplakrika leikvøllinum á Hafnarfjørðinum í kvøld. Talan var um ein sera lívligan dyst har FH hevði 12 royndir móti málinum hjá Fram, og Fram hevði fimm royndir móti málinum hjá FH, har Gunnar vardi væl í onkrum førum. 

Tá eitt lítið korter var eftir var Fram á odda 2-1, men so hevði FH ein ótrúligan endaspurt sum tryggjaði hafnfirðingum trý stig.

FH-Fram 4-2 (1-2)

0-1 Albert Hafsteinsson (20.)

1-1 Matthías Vilhjálmsson (21.)

1-2 Alexander Már Þorláksson (26.)

2-2 Ólafur Guðmundsson (77. min)

3-2 Máni Austmann Hilmarsson (89.)

4-2 Vuk Oskar Dimitrijevic (90.)

Hallur Hansson spældi allan dystin fyri KR sum á heimavølli tapti 0-1 fyri Breiðablik. Breiðablik spældi rættiliga hart, og teir fingu fimm gul kort meðan KR bert fekk tað eina gula kortið. 

KR-Breiðablik 0-1 (0-0)

0-1 Jason Daði Svanþórsson (48.)

Komandi leygardag spælir KR móti Vali á útivølli. Dagin eftir spælir FH móti Breiðablik á útivølli. 

Støðan: