Tað verður Manchester City eykamálverjin Gunnar Nielsen, sum fer at standa millum stólparnar, tá ið føroyska landsliðið í kvøld fer at stríðast ímóti Týsklandi í Hannover. Tað hava umboðini fyri Miðlahúsið í týska býnum fingið upplýst seinnapartin.
Burtursæð frá at Jákup Mikkelsen ikki verður millum stólparnar, so fer liðið at síggja út sum tað gjørdi frá fyrsta bríksli í Reykjavík fyri einum mánað síðani: Gunnar Nielsen, Manchester City Jónas Þór Næs, Valur, Odmar Færø, Forfar, Rógvi Baldvinsson, Ålgård, Pól Jóhannus Justinussen, NSÍ Daniel Udsen, FC Helsingør, Fróði Benjaminsen, HB, Christian Lamhauge Holst, Silkeborg IF, Hallur Hansson, HB, Símun Samuelsen, HB Jóan Símun Edmundsson, Viking Stavanger.
Fyrsta bríkslið í Hannover Arena verður klokkan 19.45.
