Hákun og Teis taptu

Í bestu donsku hondbóltsdeildini ræður tað fyrst og fremst um at enda millum átta tey ovastu liðini í grundspælinum, so liðið sleppur við í endaspælið.

Hendan málsetningin hava Hákun West á Teigum og liðfelagarnir í Skanderborg greitt við einum sjeynda plássi nú grundspælið er liðugt leikt. 

Í seinasta dystinum í grundspælinum, ið var á heimavølli í dag tapti Skanderborg greitt 25-33 fyri Bjerringbro/Silkeborg. Í steðginum var útiliðið á odda 18-13.

Hákun West á Teigum skoraði trý mál fyri Skanderborg í dag.

Í næstbestu deildini tapti Teis Horn Rasmussen saman við liðfeløgunum í TMS Tønder 32-35 fyri Skovbakken á útivølli. Í steðginum var Skovbakken á odda 17-16. Teis Horn Rasmussen skoraði trý mál fyri TMS Tønder í dag.

TMS Tønder hevur tveir dystir eftir at leika. Teir eru á fjórðaftasta plássi við 15 stigum, fýra stig frammanfyri Odense sum hevur 11 stig.

Endaliga støðan í grundspælinum í bestu deildini: