Tað hevur verið eitt misjavnt kappingarár hjá søguríkasta fótbóltsfelagnum í Íslandi, KR sum hevur Hall Hansson á liðnum.
Ígjár leikti KR javnleik 1-1 móti øðrum reykjavíkarliði, Fram á heimavølli. Fram kom á odda beint undan steðginum. Ægir Jarl Jónasson javnaði fyri KR beint eftir steðgin.
KR er nummar sjey í bestu íslendsku fótbóltsdeildini. Teir hava 11 stig upp til Víking, ið liggur á øðrum plássinum sum gevur evropeiskan fótbólt komandi ár, og teir hava níggju stig niður til niðurflytingarstrikuna.
Tað sum kann bjarga árinum hjá KR er, at teir vinna steypakappingina. 11. august spælir KR fjórðingsfinalu móti Víkingi á útivølli.
Komandi mánakvøld tekur KR móti Vali á heimavølli.
Støðan:
| Nr | Lið | Dystir | V | J | T | Málmunur | Stig |
| 1 | Breiðablik | 13 | 11 | 1 | 1 | 38:14 | 34 |
| 2 | Víkingur R. | 13 | 9 | 1 | 3 | 31:18 | 28 |
| 3 | KA | 13 | 7 | 3 | 3 | 25:16 | 24 |
| 4 | Stjarnan | 13 | 6 | 5 | 2 | 24:17 | 23 |
| 5 | Valur | 13 | 6 | 2 | 5 | 22:21 | 20 |
| 6 | Keflavík | 13 | 5 | 2 | 6 | 24:23 | 17 |
| 7 | KR | 13 | 4 | 5 | 4 | 17:20 | 17 |
| 8 | Fram | 13 | 3 | 5 | 5 | 22:30 | 14 |
| 9 | FH | 13 | 2 | 4 | 7 | 16:23 | 10 |
| 10 | Leiknir R. | 13 | 2 | 4 | 7 | 11:22 | 10 |
| 11 | ÍBV | 13 | 1 | 5 | 7 | 15:26 | 8 |
| 12 | Akranes | 13 | 1 | 5 | 7 | 13:28 | 8 |
