Trý føroyingalið í bestu íslendsku fótbóltsdeildini vóru í leiki í kvøld.
Hallur Hansson og liðfelagarnir í KR vunnu ein kærkomnan 2-1 sigur á ÍBV á Heimey í kvøld. Øll málini komu í fyrra hálvleiki.
ÍBV 1 - 2 KR
0-1 Ægir Jarl Jónasson ('3)
1-1 Kristinn Jónsson ('29, sjálvmál)
1-2 Kennie Chopart ('42)
Gunnar Nielsen hevði sambært Morgunblaðnum væl av góðum bjargingum tá lið hansara FH vitjaði KA á útivølli. Gunnar kundi tó ikki forða einum 1-0 sigri til KA, ið fekk tillutað eitt brotsspark heilt móti dystarenda. Nökkvi Þeyr Þórisson setti brotssparkið í netið, og so mátti FH ferðast suður aftur av Norðurlandinum við ongum stigi.
KA 1 - 0 FH
1-0 Nökkvi Þeyr Þórisson ('93, brotsspark)
Kaj Leo í Bartalsstovu og hinir hjá Akranesi vóru fyri 0-4 stórtapi móti Vali á útivølli, ið hevur gamla HB-venjaran, Heimir Guðjónsson sum høvuðsvenjara. Valur legði seg á odda beint undan steðginum. Miðskeiðis í seinna hálvleiki skoraði Valur trý mál innanfyri 10 minuttir.
Valur 4 - 0 Akranes
1-0 Patrick Pedersen ('44)
2-0 Tryggvi Hrafn Haraldsson ('62)
3-0 Guðmundur Andri Tryggvason ('65)
4-0 Tryggvi Hrafn Haraldsson ('72)
Í annaðkvøld klokkan 20.15 tekur fjórða føroyingaliðið í deildini, Keflavík hjá Patriki Johannesen móti Leiknir á heimavølli.
Støðan:
| Nr. | Lið: | Dystir | V | J | T | Málmunur | Stig |
| 1 | Breiðablik | 5 | 5 | 0 | 0 | 16:4 | 15 |
| 2 | Valur | 5 | 4 | 1 | 0 | 11:4 | 13 |
| 3 | KA | 5 | 4 | 1 | 0 | 8:2 | 13 |
| 4 | Stjarnan | 5 | 2 | 2 | 1 | 13:10 | 8 |
| 5 | KR | 5 | 2 | 1 | 2 | 7:5 | 7 |
| 6 | Víkingur Reykjavík | 5 | 2 | 1 | 2 | 10:10 | 7 |
| 7 | Akranes | 5 | 1 | 2 | 2 | 7:12 | 5 |
| 8 | FH | 5 | 1 | 1 | 3 | 7:10 | 4 |
| 9 | Leiknir R. | 4 | 0 | 2 | 2 | 1:5 | 2 |
| 10 | ÍBV | 5 | 0 | 2 | 3 | 6:11 | 2 |
| 11 | Fram | 4 | 0 | 2 | 2 | 5:10 | 2 |
| 12 | Keflavík | 5 | 0 | 1 | 4 | 7:15 | 1 |
