Tá sjúkan demens rakar, er tað ikki bert tann einstaki borgarin, ið verður raktur av sjúkuni. Øll familjan, hjúnarfelagi, børn og onnur í nærumhvørvinum verða eisini ávirkaði av, at ein teirra gerst sjúkur/sjúk. Tí er tað umráðandi, at hond verður tikin um bæði tann einstaka og alla familjuna, ið verður rakt av demenssjúku. Vit hava tíverri ongi nøktandi hagtøl, hvat viðvíkur fólkum við demenssjúkum í Føroyum, men samanbera vit okkum við grannalondini, so verður leysliga mett, at eini 800 føroyingar liva við demenssjúku í Føroyum í dag. Mett verður, at hetta talið fer at tvífalda upp í 1600 í 2040. Hetta er ein sera álvarslig avbjóðing, sum politiska skipanin skal taka í álvara.
Ì 2015 varð álit um demens handað landsstýrinum. ”Gloymsk, men ikki gloymd”. Fólkaflokkurin fer í býráðnum at arbeiða fyri, at tann parturin, ið hevur við kommunala økið at gera, verður raðfestur, fíggjarliga sum menniskjaliga. Somuleiðis ynskir Fólkaflokkurin eitt tætt samstarv við landsmyndugleikarnar á økjum, ið eru tvørsektoriel. Hesi øki vil Fólkaflokkurin arbeiða fyri komandi 4 árini:
• Dagumlætting fyri minniveik útbyggjast við fleiri tímum í samdøgrinum.
• Umlættingarpláss fyri minnisveik.
• Raðfesta útbúgving av starvsfólkum, ið hava serkunnleika um demens.
• Heim fyri minnisveik skulu tryggjast. Atlit skulu takast at aldri, og hvat slag av demens talan er um, eitt nú frontaldemens.
• Àbyrgdarpersónar, ið hava demensuppgávur burturav skulu útnevnast
• Stuðul til heimahjálp. Hetta skal skipast sum partur av verandi visitering
• Stuðul til yngri við demens.
• Sálarlig hjálp og kunning skal bjóðast sum eitt tilboð til fólk við demens og teirra avvarðandi.
Tað skal vera gott at búleikast í Havn, hóast sjúka rakar. Havnin skal vera fremst sum demensvinarligur býrur í Føroyum og yvirhøvur fremst sum demensvinarligur høvuðsstaður í Norðurlondum.
Vel Fólkaflokkin til býráðsvalið í Havn
Vegna Havnar Framburðsfelag
Nevndin
