Nú er greitt hvørjum liðini hjá Eliasi Ellefsen á Skipagøtu, Vilhelmi Poulsen og Jóhan á Plógv Hansen møta í millumumfarinum í EHF European League.
Elias og liðfelagarnir í THW Kiel skulu spæla móti lokala arvafíggindanum, Flensburg-Handewitt og spanska liðnum, Bidasoa í millumbólki 1. Við sær í millumumfarið tekur Kiel fýra stig teir tryggjaðu sær móti franska liðnum, Montpellier í innleiðandi bólkaspælinum.
Í millumbólki 4 skulu Vilhelm og liðfelagarnir í Hannover-Burgdorf spæla móti Nexe úr Kroatia og Kadetten Schaffenhausen úr Sveis. Við sær í millumumfarið tekur Hannover tvey stig teir tryggjaðu sær móti Fredericia.
Jóhan og liðfelagarnir í Skanderborg-Aarhus skulu í millumbólki 2 spæla móti portugisiska liðnum, Porto og norska liðnum, Elverum. Við sær í millumumfarið tekur Skanderborg-Aarhus fýra stig teir tryggjaðu sær móti spanska liðnum, Granollers.
Fyrstu dystirnir vera leiktir 17. februar. Bólkavinnararnir og tveyararnir vinna seg í fjórðingsfinalurnar.
Í millumbólki 3 eru hesi liðini: Melsungen, Vardar Skopje, Benfica og Kristianstad.
