Ein fyrrverandi týskur hermaður er dømdur fyri at hava latið Russlandi hernaðarligar upplýsingar.
Dómurin, sum er sagdur í rættinum í Düsseldorf, gevur fyrrverandi hermanninum eina fongsulsrevsing á hálvt fjórða ár.
Tíðindastovan AFP veit at siga, at hermaðurin er dømdur fyri at hava latið russum hernaðarligar upplýsingar.
Maðurin hevur áður starvast í innkeypstænastuni hjá týsku verjuni, og tað eru upplýsingar haðani, sum hann skal hava latið russum.
Í Týsklandi verður sagt, at rættarmálið í Düsseldorf kemur í kjalarvørrinum av russisku krígsførsluni í Ukraina.
