Vágs kommuna hevur í dag eina áheitan til bilførarar í samband við kavarudding.
- Veðurforsøgnin í kvøld og í morgin leggur upp til, at nógvur kavi kann koma.
Lagt verður aftrat, at væntaði kavin hevur við sær, at kavarudding fer fram á kommunalu vegunum.
- Tí heita vit á bileigarar, ið hava bilar parkeraðar á vegnum, um at gera pláss fyri kavaruddaranum.
Í Vágs kommunu siga tey, at best er, um bilarnir verða fluttir av vegnum.
