Ingibjørg og liðfelagarnir koppaðu oddaliðnum

ÍBV vann 29-28 á Vali við máli skotið í seinasta sekundi

Heri Simonsen

25.02.2023 (17:40)

Tað var oddauppgerð á skránni í bestu hondbóltsdeildini hjá kvinnum í Íslandi í dag.

Ingibjørg Olsen og liðfelagarnir í ÍBV tóku móti oddaliðnum, Vali á heimavølli.

ÍBV vann 29-28 við máli Harpa Valey Gylfadóttir skoraði í allarseinasta sekundi, og øll høllin kókaði.

Nú eru Valur og ÍBV jøvn í stigum, og hava 30 stig hvør. ÍBV hevur spælt 17 dystir, meðan Valur hevur spælt 18 dystir.

Nastasja Hammer og liðfelagarnir í Hauki vóru fyri greiðum 14-22 (10-12) tapi móti Fram á útivølli.

Natasja skoraði tvey mál fyri Haukar í dag.