Dánjal Ragnarsson og liðfelagarnir á verandi meistaraliðnum í Íslandi, ÍBV vóru fyri svíðandi tapi í Reykjavík í øðrum umfarinum í íslendsku kappingini.
Víkingur Reykjavík, ið fluttu upp úr næstbesti deildini undanfarna kappingarár tók ímóti ÍBV. Víkingur Reykjavík vann 31-26 á verandi meistarunum, ið er nakað av einum skelki.
Í steðginum var Víkingur Reykjavík á odda 17-15.
Dánjal skoraði eitt mál.
ÍBV hevur tvey stig aftaná tvey tey fyrstu umførini.
Komandi fríggjakvøld koma Haukar á vitjan hjá ÍBV úti á Heimey.