Ovasti leiðarin hjá Hizbollah, Hassan Nasrallah, er dripin í einum ísraelskum loftálopi í gjár í sunnara parti av høvuðsstaðnum í Libanon, Beirut.
Boðini komu fyrst frá ísraelska herinum í morgun, og síðani hevur libanesiski bólkurin eisini váttað upplýsingarnar.
Men hvat og hvør er Hizbollah? Meira fæst at vita um shia-muslimska bólkin her:
* Hizbollah-rørslan í Libanon byggir sína hugmyndafrøði á sjia-islam og fær nógvan stuðul frá Iran, sum eisini hjálpti til at stovna rørsluna í 1982.
* Tá var borgarakríggj í Libanon og Ísrael hevði herjað á Suðurlibanon.
* Tá borgarakríggið endaði í 1990 eftir at Taif-avtalan varð gjørd, var ein partur av hesi avtalu, at hernaðarbólkarnir í Libanon skuldu avvápna seg. Hizbollah vrakaði hetta kravið.
* Tá ísraelskar herdeildir tóku seg úr Libanon í 2000, tók Hizbollah æruna fyri at hava trýst tær út. Síðani tá hevur Hizbollah varðveitt eina sterka støðu í Suðurlibanon.
* Hizbollah hevur eina hernaðarliga og eina politiska grein, men veitir eisini heilsuverk og sosiala og menniskjaliga hjálp.
* Flokkurin og felagsskapurin eru lóglig í Libanon og hava verið partur av fleiri stjórnum - tó uttan at hava verið við valdið. Á arabiskum merkir Hizbollah "Guds flokkur".
* USA og ES hava felagsskapin á sínum yvirgangslista. Arabiska Samgongan, sum er ein felagsskapur av arabiskum londum, útnevnir hana eisini sum ein yvirgangsfelagsskap.
* Rørslan hevur góð viðurskifti við Hamas og hevur luttikið í borgarakrígnum í Sýria í síðuni hjá stjórnini.
* Felagsskapurin, sum hevur fleiri túsund hermenn undir vápnum, stuðlar forsetanum í Sýria, Bashar al-Assad, bæði politiskt og hernaðarliga móti vápnaðum andstøðubólkum.
* Hernaðarliga deildin hjá Hizbollah brúkar meginpartin av sínum tilfeingi til at berjast móti Ísrael. Undir drúgva stríðnum við Ísrael hevur Hizbollah fleiri ferðir bumbað Norðurísrael við rakettum.
* Síðani 2006 hevur Hizbollah víðkað um rakettgoymslugoymslu sína, sum er mett til fleiri enn 120.000, sum røkka longri enn áður.
* Síðani 1992 hevur leiðarin í Hizbollah verið nevndur Hassan Nasrallah. Hann hevur tætt samband við Iran og ovasta leiðaran í landinum, Ayatollah Ali Khamanei.
* Nasrallah hevur ikki verið alment frammi í nógv ár - eftir øllum at døma av ótta fyri at verða dripin av Ísrael. Hann hevur tó hildið sjónvarpsrøður vikuliga frá loyniligum støðum.
* Leygardagin boðaði ein talsmaður fyri ísraelsku verjuna og Hizbollah frá, at Hassan Nasrallah varð dripin í einum ísraelskum loftálopi, sum rakti høvuðsstaðin í Libanon, Beirut, fríggjadagin.
Keldur: AP, Den Store Danske, BBC, Reuters.
/Ritzau/
