Sambært fyribils úrslitum frá eini ísraelskar kanning bendir tað á, at eitt ísraelskt loftálop ímóti Hamas-leiðarum festi í eldin, sum drap fleiri sivilar palestinar í Rafah.
Tað sigur talspersónur fyri ísraelsku stjórnina, Avi Hyman, skrivar Reuters.
Rafað er í syðra parti av Gazageiranum, sum hevur verið raktur av áhaldandi bumbuálopum frá Ísrael.
Tað hendi sambært Ísrael undir jagstranini eftir Hamas-krígsmonnum.
Vápnaða rørslan leyp á Ísrael 7. oktober í 2023 og drap umleið 1200 fólk og tók 250 fólk sum gíslar sambært ísraelskum teljingum.
Í dag upplýsir heilsumálaráðið í Gaza, sum Hamas hevur eftirlit við, at minst 45 palestinar doyðu í gjár í umfatandi eldinum í eini tjaldlegu, skrivar Reuters.
Meira enn helmingurin eru kvinnur, børn og eldri fólk.
Lagt verður afturat, at talið av deyðum sannlíkt fer at hækka, tá fleiri fólk, sum vóru fangað í eldinum, eru í ringari støðu við álvarsomum brenningum.
Fríggjadagin gav altjóða dómstólurin ICJ boð um, at Ísrael steðgar álopunum í Rafah í syðra Gazageiranum. Kortini helt í Ísrael fram við álopunum.
ICJ er ovast dómstólurin hjá ST. Men hevur ikki myndugleika at seta í verk avgerðirnar.
Uttanríkisstjórin hjá ST, Josep Borrell, hevur í dag fordømt ísraelsku álopini í Rafah.
– Skelkaður av tíðindunum, sum koma úr Rafah um ísraelsk álop, sum drepa tíggjutals burturrikin fólk, teirra millum eisini børn.
– Einki trygt stað er í Gaza. Hesi álop skulu steðga alt fyri eitt, skrivar hann á X.
Týska uttanríkisráðfrúan, Annalena Baerbrock, hevur í dag eins og fleiri starvsfelagar hennara biðið Ísrael um at virða avgerðina hjá ICJ.
– Menniskjansligur fólkarættur er galdandi fyri øll – eisini fyri ísraelsku krígsførsluna, sigur hon sambært Reuters.
Ísraelski herurin hevur sambært Reuters sagt, at loftálopini sunnudagin, sum vóru grundað á »neyvar fregnir«, høvdu beint burtur millum annað stápsstjóran hjá Hamas fyri Vestara Áarbakka.
/ritzau/