Jákup er 31 ára gamal, giftur við Ansy S. Jakobsen og er føddur og uppvaksin á Skála. Hann hevur spælt 187 dystir í bestu deildini og er tí ein av royndastu leikarunum hjá felagnum.
Hann hevur somuleiðis verið liðskipari og ein týdningarmikil leikari í verjuni hjá Skála ÍF í farna kappingarárinum.
– Vit gleðast almikið um at Jákup hevur valt at endurnýggja sáttmálan og eru sera takksom fyri hansara íkast til felagið, sigur Jóannes A. Prestá.
