Áttandapartsfinalu, ið samstundis var ein føroyingauppgerð var leikt í Danmark í kvøld.
Í høllini í Ejstrup tóku Rannvá Olsen og liðfelagarnir í Ejstrup/Hærvejen móti Janu Mittún og liðfeløgum hennara í Viborg.
Tað sást, at Ejstrup/Hærvejen spælir í næstbestu deildini, og Viborg spælir í bestu deildini. Viborg vann stórsigur 38-26 (22-12), og vann seg trygt víðari til fjórðingsfinalurnar.
Rannvá skoraði tvey mál upp á tvær málroyndir. Jana skoraði trý mál upp á fýra málroyndir, og hon legði upp til seks mál.
