Tað resta sjey umfør av landskappingini, og eftir dystirnar í kvøld hevur EB/Streymur styrkt um sína støðu í toppinum.
Undan dystunum í kvøld var EB/Streymur átta stig frammanfyri B36. Nú er EB/Streymur tíggju stig frammanfyri NSÍ.
B36 og Víkingur vóru eftir vikuskiftið á silvur og bronsuplássunum. Bæði liðini taptu í kvøld, og tá ið bæði NSÍ og HB vunnu, eru tað hesi bæði, sum nú eru tey næstu aftaná EB/Streym.
Bæði B68 og ÍF vunnu fulla úrtøku, og harvið tóku tey seg longri frá niðurflytingarstrikuni.
Botnliðini, Skála og B71, taptu og eru tískil framvegis á niðurflytingarplássunum. Bjargingarmøguleikin hjá hesum báðum er nú fyrst og fremst KÍ. Klaksvíkingar taptu 4-2 í Streymnesi, og mánakvøldið verður botngysari, tá ið klaksvíkingar fara at vitja á Skála.
Úrslitini í kvøld
ÍF-B36 1-0 (1-0)
NSÍ-B71 3-0 (2-0)
EB/Streymur-KÍ 4-2 (1-0)
HB-Skála 6-1 (2-0)
Víkingur-B68 0-1 (0-0)
Støðan eftir 20 umfør
EB/Streymur 44
NSÍ 34
HB og B36 33
Víkingur 32
B68 26
ÍF 23
KÍ 21
B71 18
Skála 15
21. umfar
31. august
Víkingur-B36
NSÍ-ÍF
EB/Streymur-B68
HB-B71
Skála-KÍ (mánadagin 1. september)
