Kaj Leo í Bartalsstovu og liðfelagarnir í Njarðvík spældu í kvøld oddauppgerð í næstbestu íslendsku fótbóltsdeildini.
Kaj Leo spældi allan dystin tá Njarðvík tapti 2-4 fyri Fjölnir. Kaj Leo minkaði um munin til 2-4 í tíðini dómarin hevði lagt aftrat, og var hetta annan dystin á rað, at hann skorar mál fyri Njarðvík.
Fjölnir skoraði trý mál upp á 12 minuttir, og longu í 52. minutti vóru teir á odda 4-1.
Við fyrsta tapinum hetta kappingarárið misti Njarðvík oddasessin til Fjölnir, ið er fremst í deildini við 14 stigum. Njarðvík er næstfremst við 13 stigum fyri seks dystir. Njarðvík er fýra stig frammanfyri Grótta, ið hevur níggju stig á triðja plássinum.
Nummar eitt flytur beinleiðis upp í bestu deildina við lokið kappingarár, meðan liðini sum enda á endastøðunum millum nummar tvey og fimm spæla Play Off dystir um uppflyting.
Fjölnir-Njarðvík 4-2 (3-1)
1-0 Kristófer Dagur Arnarsson ('24 )
1-1 Kenneth Hogg ('36 )
2-1 Vilhjálmur Yngvi Hjálmarsson ('40 )
3-1 Dagur Ingi Axelsson ('43 )
4-1 Máni Austmann Hilmarsson ('52 )
4-2 Kaj Leo í Bartalstovu ('90 )
Komandi hóskvøld tekur Njarðvík móti ÍR Reykjavík á heimavølli.