KÍ var tað felagið í Effodeildini í fjør, sum átti flestar egnar uppaldar leikarar ímillum teir 11 á egnum liði, sum spældu flestar minuttir hetta kappingarárið. Tað vísir ein samanteljing, sum er at síggja í Sosialinum í dag.
Talt varð soleiðis saman, at leikarar, ið eru uppvaksnir (hava verið partur av ungdómsdeildini) í felagnum fingu 3 stig; leikarar, ið eru komnir til felagið áðrenn 21 ára aldur fingu 1 stig, meðan teir, sum eru komnir til eftir 21 ára aldur, fingu 0 stig.
Síðani varð ein stigatalva gjørd, og hon sær soleiðis út:
KÍ 27
Skála 25
NSÍ 24
B68 24
Víkingur 24
B36 20
ÍF 20
EB/Streymur 20
HB 17
AB 16
Útgreiningar og samrøður eru at lesa í Sosialinum í dag.
