KA hevur framvegis fult stigatal í Grill-66 deildini, sum næstbesta mansdeildin í hondbólti eitur í Íslandi.
Í kvøld vann KA ein harðvunnan, men týdningarmiklan 25-23 sigur ímóti unga liðnum hjá Vali á útivølli.
Tað stóð einki til í steðginum, tí tá var Valur á odda 12-9, men KA fekk betur skil á spælið hjá sær í seinna hálvleiki.
Áki Egilsnes gjørdi góðan mun við at skora fimm mál fyri KA í dag.
Fyrireikingin til dystin var ikki tann besta hjá KA. Í ringum kavalíkindum hava teir ferðast átta tímar til Reykjavíkar, og mugu nú ferðast átta tímar heimaftur til Akureyrar, men Áki Egilsnes og liðfelagarnir kunnu fegnast um at verða fremst í deildini við 18 stigum fyri níggju dystir.
Seinasti dysturin undan jólasteðginum hjá KA verður úti í Vestmannaoyggjunum ímóti unga ÍBV-liðnum. Hann verður spældur fríggjakvøldið 8. desember.
Støðan í Grill-66 deildini:
| 1 | KA | 9 dystir | 9 vunnir | 0 javnir | 0 taptir | +47 | 18 stig | |
| 2 | Akureyri | 8 | 7 | 0 | 1 | +46 | 14 | |
| 3 | HK | 9 | 6 | 0 | 3 | +31 | 12 | |
| 4 | Þróttur | 9 | 5 | 0 | 4 | +30 | 10 | |
| 5 | Haukar U | 8 | 4 | 1 | 3 | +15 | 9 | |
| 6 | Valur U | 8 | 3 | 0 | 5 | +7 | 6 | |
| 7 | Stjarnan U | 8 | 3 | 0 | 5 | -40 | 6 | |
| 8 | ÍBV U | 6 | 2 | 0 | 4 | -28 | 4 | |
| 9 | Mílan | 8 | 1 | 1 | 6 | -22 | 3 | |
| 10 | Hvíti Riddarinn | 9 | 0 | 0 | 9 | -86 | 0 |
