Ígjár spældu greipuvinnararnir, KÍ fyrsta dystin á venjingarleguni í Albir í Spania.
Dysturin var ímóti GAIS, ið endaði triðfremst í bestu svensku fótbóltsdeildini í fjør.
KÍ tapti tepurt 0-1. Joackim Fagerjord skoraði sigursmálið, tá fimm minuttir vóru farnir av seinna hálvleiki.
Sambært Norðlýsinum kom KÍ til góðar málmøguleikar í seinna hálvleiki.
KÍ byrjaði við hesum leikarunum: Mark F. Jensen – Gilli R. Sørensen, Odmar Færø, Gaston Tellechea, Daniel Johansen – Hallur Hansson, Jákup Biskopstø – Árni Frederiksberg, Oussama Ali, Filip Brattbakk – Erlend Hustad. Seinni komu hesir inn: Sebastian John, Deni Pavlovic, Dávid Reynheim, John Ziska Joensen, Páll Muller, Robert Williams og Jákup N. Vilhelmsen.
Kelda: Norðlýsið
