Kongresskvinnan, Marjorie Taylor Greene, sum einaferð var millum mest tryggu stuðlarnar hjá Donald Trump, sigur, at hon nú veit, hvussu tað er at hava mist vælvild hjá amerikanska forsetanum.
Í einum uppslagi á sosiala miðlinum X skrivar hon:
- Eg frætti nú frá privatum trygdarfyritøkum um ávaringar um mína trygd, meðan heimsins máttmiklasti maður eggjar til eina røð av hóttanum móti mær.
- Maðurin, sum eg stuðlaði og hjálpti til at fáa valdið.
Hon greiðir ikki nærri frá, hvørjar hóttanir trygdarfeløgini serliga eru tilvitað um.
Seinastu tíðina hava Taylor Greene og Trump verið ósamd um fleiri politisk viðurskifti, eitt nú í sambandi við sokallaðu Epstein-skjølini og nýliga avgreidda samveldisstongsulin.
Á sínum egna sosiala miðli, Truth Social, langaði Trump leygarkvøldið okkara tíð út eftir Greene.
Hann kallaði hana "øra", ákærdi hana fyri støðugt at "grenja, grenja, grenja " og segði, at hann nú tók stuðulin til hana aftur.
- Hon farin komin langt til vinstru, segði Trump í uppslagnum.
/Ritzau/
