- Tað vera kanska niður móti 10 minusstigum. Tað sigur Rógvi Baldvinsson í stuttari viðmerking til in.fo um veðurlíkindini, tá liðið hjá honum og Noah Mneney, Bryne skal spæla Play Off dyst um uppflyting móti Kristiansund á útivølli.

Dysturin verður leiktur í annaðkvøld klokkan 18.

Tey sum vara av vøllinum hava mótsatt Start Kristiansand tendra hitan undir vøllinum í góðari tíð, og við eitt sindur av salting hevur Kristiansund fingið góðkenning frá dómarunum, at dysturin kann spælast í Kristiansund.

Tað lá annars í luftini, at dysturin millum Kristiansund og Bryne kundi enda í Aalesund, men tað verður av ongum.

Vinnarin av dystinum millum Kristiansund og Bryne møtir Kongsvinger í einum Play Off dysti á útivølli. Vinnarin av tí dystinum sleppur at spæla tveir Play Off dystir móti triðniðasta liðnum í bestu norsku fótbóltsdeildini um rættin at spæla í bestu deildini komandi ár.