Tí er verkætlanardeildin nú niðurløgd, og arbeiðið verður skipað av nýggjum. Tað sigur Jacob Vestergaard, landsstýrismaður, í samrøðu við Kringvarpið.
Sambært landsstýrismanninum er talan um eina avleiðing av teimum nógvu trupulleikunum, sum hava verið við stórum byggi- og infrakervisverkætlanum seinastu árini.
Hann sigur, at álitið á Landsverk er viknað, og at tað tí er neyðugt at gera grundleggjandi broytingar í arbeiðsháttinum.
Verkætlanardeildin hjá Landsverki er niðurløgd, og ætlanin er at skipa verkætlanirnar á annan hátt framyvir. Endamálið er at fáa betri stýring, størri gjøgnumskygni og størri álit á arbeiðinum.
Landsstýrismaðurin vísir á, at hetta ikki er ein atfinning móti einstøkum starvsfólkum, men móti skipanini sum heild.
Málið hevur samband við fleiri stórar verkætlanir, sum eru vorðnar nógv dýrari enn ætlað, og sum hava elvt til politiskt kjak um, hvussu Landsverk eigur at skipast, skrivar Kringvarpið.
