Talan er um skipa av Isle of Man, sum er 115 metrar til longdar, sum er 20 metrar styttri enn Smyril. Breiddin er 23,5 metrar, tvs 1 metur breiðari enn Smyril. Tað skrivar Strandferðslan til fíggjarnevndina hjá Løgtinginum í sambandi við arbeiði við fíggjarløgtingslógini fyri næsta ár.
Skipið tekur sambært skipsblaðnum 500 ferðafólk við eini manning á 28 fólk. Bildekkið er 1.100 deksmetrar og 3,10 metrar breitt. Við eini miðallongd á 5,5 metrar fyri hvønn persónsbil er talan um 200 bilar.
Kømrini eru 23 til manning og 12 kømur við 4 koyggjum til ferðafólk.
