Hvør er kenslan, nú Sandoyartunnilin letur upp alment hósdagin?
- Hon er sera góð og kann næstan ikki lýsast við orðum.
Tað sigur Ásbjørn Kjærbo í Skopun.
Hvønn týdning heldur tú, at tunnilin fer at fáa fyri Sandoynna?
- Tunnilin fer at fáa alstóran týdning. Hann letur upp fyri einum heilt nýggjum veruleika, og arbeiðsmarknaðurin í miðstaðarøkinum fer at liggja víðopin fyri okkum.
Sært tú nakrar vansar við fasta sambandinum, sum nú verður?
- Ein! Tað er, um rottan finnur vegin í Sandoynna.
Fert tú at sakna gomlu farleiðina við Teistanum um Skopunarfjørð?
- Nei, tað fari eg ikki, sigur Ásbjørn Kjærbo.
