Franski forsetin, Emmanuel Macron, skal vitja Kina í apríl.
Hann vil við vitjanini heita á Kina um at »hjálpa okkum við at leggja trýst á Russland« fyri at enda kríggið í Ukraina.
Tað sigur hann við fronsku tíðindastovuna AFP í dag.
Fráboðanin av vitjanini kemur, dagin eftir at Kina í gjár heitti á Russland og Ukraina um at fara undir friðarsamráðingar.
Tað er tó stór stúran í vesturheiminum um heldur tøttu bondini millum Russland.
Og svarini frá leiðarum í vesturheiminum vístu heldur ikki stóran stuðul til projektið hjá Kina.
Heldur ikki frá franska forsetanum er stórur stuðul til ta ætlanina.
– Tann veruleiki, at Kina roynir at skapa frið, er gott, sigur Emmanuel Macron sambært AFP.
– Hann legur tó afturat, at friður bara er møguligur, um »russiska álopið verður steðgað, hermenn tiknir aftur, og fullveldið hjá Ukraina og fólkið verður virt«.
/ritzau/
