##med2##
Tað koyrir sum eftir ánni hjá AB, ið nú hevur fýra sigrar í fimm teimum seinastu dystunum. Við 16 stigum er AB nú bert trý stig frá fjórða plássinum, ið sannlíkt gevur evropeiska luttøku komandi ár.
Í dag vann AB 3-1 á 07 Vestur á Dungasandi í Sørvági.
07 Vestur-AB 1-3 (0-1)
0-1 Teitur Debess Olsen (25.)
1-1 Mads Borchers br.sp (49.)
1-2 Marius Kryger Lindh (59.)
1-3 Marius Kryger Lindh (73.)
Tvímálsskjúttin hjá AB, Marius Kryger Lindh sigur við FM1, at teir í AB fara nú greitt eftir at tryggja sær evropeiska luttøku. Teir á Argjum halda seg avgjørt hava liðið til at røkka málinum.
Hjálparvenjarin hjá 07 Vestur, Tór-Ingar Akselsen iðrar seg um, at 07 Vestur ikki tók av málmøguleikunum í dag, ið vóru nóg nógvir til at geva 07 Vestur stig í dag.
Á ljóðfíluni omanfyri ber til at hoyra samrøðurnar sum vóru við teir báðar á FM1 fyrr í dag.
