- Eg ætli mær at sigla so leingi, sum beinini bera meg, sigur 72 ára gamli, John F. Haraldsen.
Hann hevur verið sjómaður í meira enn 57 ár og hevur upplivað mangt á sjónum.
Sum blaðungur umborð á Magnusi Heinasyni fekk hann eina stóra stálsplintu í eygað. Splintan sat sum ein húkur í eyganum í nakrar dagar.
- Hetta var ræðuligt, og eg bløddi sum ein tarvur, tá eg fekk splintuna av veirinum í eygað. Blóðið rann niður eftir kjálkanum, sigur hann.
John F. Haraldsen hevur eisini upplivað at fáa ein blóðpropp í hjartað, meðan teir vóru til fiskiskap á Munkagrunninum.
- Tá væntaði eg ikki at bera boð í bý, sigur hann
Tað seinasta nýggja hjá sandavágsmanninum er, at hann hevur keypt sær ein 26 fót bát úr Svøríki.
- Eg havi altíð havt bát, og hetta er ein bátur, sum bæði kann brúkast til fiskiskap og frítíðarsigling.
Hann sigur, at ætlanin er at hava tríggjar snellur í bátinum, sum hevur ein fastan motor á 230 HK – við aksli og ikki drevi.
- Jú, eg ætli mær at rógva út, tá eg eri heima, sigur John F. Haraldsen, sum vit hava skift orð við.
Lesið áhugaverda samrøðu við John F. Haraldsen, sum er í VikuskiftisSosialinum hesaferð. Blaðið fæst til keyps í blaðsølunum.
##med2##
