Í morgin byrjar kappingin í næstbestu norsku fótbóltsdeildini.
Liðið hjá Noah Mneney, Bryne tekur á heimavølli móti Start Kristiansand.
Liðið hjá Gullbrandi í Horni Øregaard, Sandnes ULF hevur eisini heimadyst. Teir fáa vitjan av Egersund.
Meinhard E. Olsen er ikki heilt klárur at spæla dyst enn, men lið hansara, Mjøndalen hevur eisini heimadyst í morgin. Teir fáa vitjan av Raufoss.
Dystirnir hjá føroyingaliðunum byrja allir klokkan 16.
Meinhard sigur í stuttari viðmerking, at hann vónar og væntar at vera klárur til annað ella triðja umfarið av kappingini.
Mánakvøldið 15. apríl tekur Mjøndalen móti Start Kristiansand á heimavølli, og tað kann gerast fyrsti dysturin hjá Meinhardi hetta kappingarárið.
