Liðið hjá Dánjali Ragnarssyni og Janusi Dam Djurhuus, ÍBV tók ikki av møguleikanum at tryggja sær íslendska meistaraheitið á heimavølli í kvøld.
ÍBV tapti í triðu meistaraskapsfinaluni 28-34 fyri Haukum. Samlaða støðan er nú 2-1 til ÍBV. Spælt verður best av fimm dystum.
Haukar vóru á odda 17-14 í steðginum, og teir hildu frástøðuna til heimaliðið í seinna hálvleiki.
Fjórða meistaraskapsfinalan verður leikt á Hafnarfirði mánadagin 29. mai. Vinnur ÍBV eru teir meistarar. Vinna Haukar verður fimta og avgerandi finalan leikt úti í Heimey í komandi viku.