Seinna hálva av 2. umfari í bólkaspælinum í Champions League hevur verið í kvøld. Lionel Messi setti Tottenham upp á pláss, Liverpool tapti í evstu løtu fyri Napoli, meðan Neymar skoraði hattrik.
Tað hendi eitt sindur av hvørjum í dystunum í kvøld. Á Wembley var Lionel Messi í hamsflokki, tá FC Barcelona vann 4-2 á Tottenham. Hann skoraði tvey mál og átti lut í hinum báðum. Tottenham fær tað nú trupult, tí liðið hevur einki stig, meðan FC Barcelona og Inter Milan hava seks stig.
Finalistarnir frá í fjør, Liverpool, raktu ikki dagin í Napoli í dag. Vertirnir vóru omaná tað mesta av dystinum, og tað var eisini uppiborið, tá Lorenzo Insigne skoraði avgerandi málið heilt móti endanum av dystinum.
Í hinum dystinum í bólki C vann PSG 6-1 á heimavølli móti Reyðu Stjørnu. Neymar Jr skoraði hattrik, meðan Kylian Mbappé eisini kom á máltalvuna.
Champions League – 2. umfar:
Bólkur A:
Atletico Madrid - Club Brugge 3-1
Borussia Dortmund – Monaco 3-0
Støðan:
1. Borussia Dortmund 6 (stig)
2. Atletico Madrid 6
3. Club Brugge 0
4. Monaco 0
Bólkur B:
PSV Eindhoven – Inter 1-2
Tottenham Hotspur – Barcelona 2-4
Støðan:
1. FC Barcelona 6
2. Inter Milan 6
3. Tottenham 0
4. PSV 0
Bólkur C:
Paris Saint Germain - FK Crvena Zvezda 6-1
Napoli – Liverpool 1-0
Støðan:
1. Napoli 4
2. Paris Saint-Germain 3
3. Liverpool 3
4. Reyða Stjørna 1
Bólkur D:
Lokomotiv Moscow - Schalke 04 0-1
Porto – Galatasaray 1-0
Støðan:
1. FC Porto 4
2. Schalke 4
3. Galatasaray 3
4. Lokomotiv Moskova 0
